हर्षवर्धन पाटलांचे आरोप दिशाभूल करणारे - बाबासाहेब चवरे

आय मिरर

सध्या इंदापूर तालुक्यात तयार झालेले वातावरण पाहता अपक्ष उमेदवार प्रवीण माने आणि दत्तात्रय भरणे यांच्यातच खरी लढत असल्याचे जनतेचा कलातून दिसत आहे.हे पाहून हर्षवर्धन पाटील यांनी ओळखले आहे त्यातूनच आमच्या उमेदवारावर असे बिनबुडाचे आरोप करत पाटील जनतेची दिशाभूल करत असल्याचं परिवर्तन विकास आघाडीचे नेते बाबासाहेब चवरे यांनी म्हटले आहे.

निवडणुका म्हटल्या की आरोप-प्रत्यारोप, दावे-प्रतिदावे या साऱ्या गोष्टी ठरलेल्याच असतात. चांगल्याला चांगले म्हणणे ही नीतिमत्ता आता विरोधी पक्षाकडे राहिली नाही. माणसाकडे स्वतःचं कर्तृत्व किंवा स्वतःच व्हिजन नसले की विरोधकावर बेछूट आरोप करत राहणे हाच त्यांच्या प्रचाराचा प्रमुख मुद्दा होऊन जातो.असं हे ते म्हणाले.

इंदापूरची जनता आता सुज्ञ झाली असून आपण ज्यांना यामागे संधी दिली त्यांनी काहीच विकास केला नसल्याने तालुक्यात परिवर्तन घडवण्याचा निर्धार जनतेने केला असून यामुळे प्रवीण माने हे आत्ताच विजयाच्या जवळ पोहोचले आहेत. म्हणूनच हर्षवर्धन पाटील यांच्या पायाखालील वाळू सरकली असून ते अशा पद्धतीने जनतेची दिशाभूल करण्याच्या वल्गना करत आहेत असं चवरे म्हणाले.