हे वागणं बरं नव्हं...कितीही मोठ्या बापाचा असला तरी त्याला टायरमध्ये घ्या ! दादांचे पोलीस खात्याला निर्देश

आय मिरर 

कधी कधी मोटरसायकल वाले इकडे तिकडे बघतात हळूच ओव्हरटेक रॉंग साईडने जाण्याचा प्रयत्न करत आहेत. असा माणूस सापडला तर तो मुलगा किंवा व्यक्ती कितीही मोठ्या बापाची असली तरी त्याला टायरमध्ये घेऊन असा झोडायला सांगणार आहे की त्याला दहा पिढ्या आठवल्या पाहिजे.

अजिबात नियम कोणी तोडू नका मग तो अजित पवार असो किंवा अजित पवाराचा कोणी नातेवाईक असेल सर्वांना नियम सारखा. अशा शब्दात अजित पवारांनी पोलीस खात्याला निर्देश दिले आहेत.

मी जे करतो ते बारामतीकरांसाठी सर्वांसाठी करतो. मी अनेक ठिकाणी झाड लावली आहेत तिथे कोणी पण येत आहे जनावर खात आहेत तसं चालणार नाही. अशा शब्दात अजित पवारांनी बारामतीकरांना निर्वाणीचा इशारा दिला आहे.ते बारामतीत एका हॉस्पिटलच्या उद्घाटना दरम्यान बोलत होते.

काही काही जण चुका करत आहेत रस्त्यावर कचरा टाकत आहेत. कृपा करून ज्या गोष्टी केलेल्या आहेत. जनावरे चरायला सोडत आहेत मी त्यांना कृपा करून सांगतो आता ती जनावर कोंडवड्यात घातली. नाही ऐकलं तर त्यांना बाजार दाखवतो.आता जे मालक लोक आहेत त्यांना निर्वाणीचा इशारा देतो ऐकलं तर ठीक नाही ऐकलं तर मालकांवर केसेस होतील.

ज्यांची गाढव आहेत जनावर आहेत, ज्यांच्या गाई इकडेतिकडे फिरत असतात तुम्ही तुमच्या दारात बांधायचे ते बांधा काय खायला प्यायला घालायचं ते घाला बारामती जी चांगली करतो ती काय सगळ्यांना मोकळी फिरण्याकरता नाही.

जिथे माणसांना बसायला केलं आहे तिथे एक जण मोटरसायकल घालून निवांत मांडी घालून लोकांसोबत गप्पा मारतोय. गाडी वळवली आणि पोलिसांना सांगितले याची गाडी ताब्यात घे आणि याला चांगला टायर मध्ये घाल तो म्हणतोय नाही दादा चुकलं.असं म्हणत उपमुख्यमंत्री अजित पवार यांनी इतर बातम्या दाखवता त्याप्रमाणे आपण दाखवा असे माध्यमांना सांगितले.

हे वागणं बरं नव्हं...

आईसारखं कुणी नसतं... मी पण ज्यावेळेस बारामतीत येतो त्यावेळेस आईला भेटतो आज मला भरपूर कामे आहेत मात्र रात्रीच मी आईला भेटलो दर्शन घेतलं तिच्याशी गप्पा मारल्या आईशी अतिशय आपलेपणाने वागा कारण आपण समाजात जन्म घेतलाय तो आपल्या आई-बापामुळे त्यामुळे शेवटपर्यंत जीवा जीव असे पर्यंत त्यांना विसरू नका. असे आवाहन करत अलीकडची नवी पिढी आई बापाकडे नीट बघत नाहीत हे वागणं बरं नव्हं म्हणत उपमुख्यमंत्री अजित पवार यांनी तरुणाईची कान उघाडणी केली.