"तुम्हाला तुमच्या क्षमतेपेक्षा जास्त मिळालं" हर्षवर्धन पाटलांचा आ.भरणेंवर जोरदार हल्लाबोल

आय मिरर

तुम्हाला तुमच्या क्षमतेपेक्षा जास्त मिळालं असं म्हणतं माजी सहकार मंत्री हर्षवर्धन पाटील यांनी कळंब गावातील जाहीर सभेत इंदापूरचे विद्यमान आमदार दत्तात्रय भरणेंवर नांव न घेता जोरदार हल्लाबोल केला आहे.

इंदापूर तालुक्यामध्ये 800 कोटी रुपयांची हर घर जल योजनेची कामे झालीत.पण त्याची बिल अशी काढलीत की 23 तारखेचा निकाल लागल्यानंतर मला एक वर्ष ही दहा वर्षाची घाण काढावी लागेल, तालुक्याला लागलेली ही कीड आहे. अशा लोकांपासून आपल्याला तालुका वाचवावा लागेल असा हल्लाबोल पाटील यांनी नाव न घेता आमदार भरणे यांच्यावर केला आहे.

शरद पवारांनी तुम्हाला कारखान्याचे चेअरमन केलं,जिल्हा परिषद सदस्य - अध्यक्ष केलं.2014 ला आणि 19 ला आमदार केलं राज्यमंत्री पालकमंत्री केलं,जिल्हा बँकेचे चेअरमन केलं तुम्हाला द्यायचं काय राहिलं होतं ? ज्यावेळी पवार साहेबांवर राजकीय संकट आलं सगळ्यात पहिल्यांदा पावरा साहेबांना सोडून जाणारा कोण माणूस असेल तर तो आपल्या तालुक्याचा लोकप्रतिनिधी एका रात्रीत तयार झाला.असं पाटील म्हणाले आहेत.

ज्यांनी तुम्हाला घडवलं त्यांना तुम्ही सोडून गेला भविष्यात इंदापूर तालुक्याला सोडून द्यायला किती वेळ लागेल ? तुम्हाला तुमच्या क्षमतेपेक्षा फार मिळाले असं हर्षवर्धन पाटील यांनी म्हटले आहे.