वास्तुशांतीचा कार्यक्रम आटोपुन निघाले होते अन् हे असं विपरीत घडलं…

आय मिरर

उदगीर - तालुक्यातील एकुरका रोड येथे वास्तुशांतीचा कार्यक्रम उरकून गावाकडे परत निघालेल्या कुटुंबावर काळाने घाला घातला असून कार व आयशरच्या झालेल्या अपघातात चौघांचा जागीच मृत्यू झाला आहे.

तिघा जणांची प्रकृती गंभीर असून जखमींना उदगीरच्या उपजिल्हा रुग्णालयात दाखल करण्यात आल्याची माहिती वाढवणा पोलिस सूत्राकडून देण्यात आली आहे.

याबाबत पोलीस सूत्रांनी दिलेली अधिक माहिती अशी की, दावणगाव (ता. उदगीर) येथील भंडे कुटुंब वास्तुशांतीच्या कार्यक्रमासाठी तालुक्यातील एकुरका रोड येथे गेले होते. कार्यक्रम अटोपुन स्विफ्ट डिजायर कार क्रमांक एम एच ०२ बीएम ४४८२ कारमधून उदगीरकडे दुपारी दोनच्या सुमारास परत येत असताना एकुर्का ते इसमालपुर दरम्यान रस्त्यावर समोरुन येणाऱ्या आयशर क्रमांक एच एच २४ एयु ४७५६ या दोन गाड्यांचा अपघात होवुन मंगलबाई जाधव, प्रणीता बिरादार, प्रतिभा भंडे, अनन्या भंडे (रा. दावणगाव) यांचा जागीच मृत्यू झाला आहे. संजय भंडे, सई व अदिती भंडे या अपघातात गंभीर जखमी झाल्या असुन या जखमींना उदगीरच्या उपजिल्हा रुग्णालयात दाखल करण्यात आले आहे.

दिवाळीच्या सणाच्या पार्श्वभूमीवर एकाच कुटुंबातील चौघा जणांचा मृत्यू झाल्याने दावणगावात शोककळा पसरली आहे. या अपघाताची माहिती मिळतात वाढवणा पोलीस ठाण्याचे अधिकारी व कर्मचारी तातडीने घटनास्थळी पोहोचून जखमींना उपचारासाठी उदगीर ला पाठवून दिले. याप्रकरणी अपघाताचा गुन्हा घडण्याची प्रक्रिया वाढवणा पोलीस ठाण्यात सुरू असल्याची माहिती पोलीस सूत्रांनी दिली आहे.