पुण्याला हादरवणारी बातमी ! भाजप आमदाराच्या मामाचं सकाळी अपहरण, नंतर थेट मृतदेहचं सापडला

आय मिरर

पुण्यातून एक अतिशय धक्कादायक बातमी समोर आली आहे. पुण्यातील विधान परिषदेचे आमदार योगेश टिळेकर यांचे मामा सतीश वाघ हे मृतावस्थेत सापडले आहेत. या घटनेनंतर एकच खळबळ उडाली होती. आरोपी कोण आहेत ? त्यांनी सतीश वाघ यांचं अपहरण का केलं? असे अनेक प्रश्न उपस्थित केले जात आहेत.

अपहरण झालेल्या सतीश वाघ यांचा मृतदेह सापडला असून उरुळी कांचन पोलीस ठाण्याच्या हद्दीत शिंदवणे घाटात हा मृतदेह सापडला आहे.आज पहाटे पुण्याच्या हडपसर पोलिस ठाण्याच्या हद्दीतून त्यांचं अपहरण झालं होतं.

सतीश वाघ हे भाजपाचे विधान परिषदेचे आमदार योगेश टिळेकर यांचे मामा आहेत.चार अज्ञातांनी हडपसर पोलिस ठाण्याच्या हद्दीतून मॉर्निंग वॉकला गेल्यानंतर त्यांच अपहरण केलं होतं.पुणे शहर आणि ग्रामीण पोलिसांकडून त्यांचा शोध सुरू होता.

सतिश वाघ यांचा शोध घेण्यासाठी क्राइम ब्रांचची 12 पथक तपास तैनात केली होती.आज रात्री उरळी कांचन पोलिस ठाण्याच्या हद्दीत शिंदवणे घाटात सतीश वाघ यांचा मृतदेह आढळून आला आहे.

या खूनामुळे पोलिसांवर मोठा दबाव आला आहे.एका आमदाराच्या मामाचं अपहरण होतं, अपहरण झालेला व्यक्ती सापडाच्या आतच त्याचा खून होतो त्यामुळे या प्रकरणाचा तपास लावणं पोलिसांसमोर आव्हाण आहे.

नेमकं काय घडलं होतं?

सतीश वाघ यांच्या अपहरणाची घटना ही आज सकाळच्या सुमारास घडली होती. सतीश वाघ हे सोलापूर रस्त्यावर असलेल्या ब्ल्यू बेरी हॉटेलबाहेर थांबले होते. यावेळी अचानक शेवरलेट एन्जॉय ही गाडी आली. या गाडीतून दोन अज्ञात आरोपी बाहेर आले. त्यांनी आधी सतीश वाघ यांच्याशी बातचित करण्याचं नाटक केलं. त्यांनी सतीश वाघ यांना काहीतरी विचारपूस करण्याचं नाटक केल्याची शक्यता आहे. त्यानंतर त्यांनी बळजबरी सतीश वाघ यांना गाडीत बसवलं. यानंतर ते सतीश वाघ यांना अज्ञातस्थळी घेऊन गेले. आरोपी नेमके कोण होते? त्यांचा सतीश वाघ यांचं अपहरण करण्यामागे नेमका उद्देश काय होता? त्यांनी सतीश वाघ यांचं अपहरण नेमकं का केलं? असे अनेक प्रश्न या निमित्ताने उपस्थित केले जात असताना आता अचानक सतीश वाघ यांचा मृतदेह सापडला आहे. त्यामुळे त्यांच्या अपहरण आणि हत्येमागचं गूढ वाढलं आहे.