गोपीचंद पडळकरांची बारामती कोर्टाकडून निर्दोष मुक्तता ! पाच वर्षांपूर्वी शरद पवारांबाबत केलं होतं वादग्रस्त विधान

आय मिरर 

भाजप नेते, आमदार गोपीचंद पडळकर यांनी ज्येष्ठ नेते शरद पवार यांच्या विषयी केलेल्या वादग्रस्त वक्तव्याच्या आरोपातून पडळकर यांची बारामती न्यायालयाने निर्दोष मुक्तता केली आहे.

2020 मध्ये कोरोनाच्या काळात शरद पवार म्हणजे महाराष्ट्राला झालेला कोरोना आहे असं वादग्रस्त वक्तव्य आमदार गोपीचंद पडळकर यांनी केले होते.

त्यावेळी राष्ट्रवादीचे तत्कालीन शहराध्यक्ष अमर धुमाळ यांनी बारामती शहर पोलीस ठाण्यात गुन्हा दाखल केला होता.गुन्हा दाखल झाल्यानंतर पोलिसांनी बारामती कोर्टात दाखल केले.

मात्र, या केस संदर्भात जामीन घेतल्यानंतर वारंवार समन्स बजावून देखील पडळकर न्यायालयात हजर झाले नाहीत. त्यामुळे कोर्टाने अटक वॉरंट जारी केले होते.

दरम्यानच्या पडळकर यांच्या वादग्रस्त विधानाची केस बारामतीच्या पुजारी कोर्टात सुरू झाली त्यांनी चार साक्षीदार तपासल्या नंतर आज याबाबतचा अंतिम निकाल जाहीर केला. त्यामध्ये पडळकर यांनी केलेल्या विधानामुळे कोणतेही जातीय दंगे भडकले नाहीत, त्यांचे विधान हे व्यक्ती साठी होते, त्यामुळे सामाजिक तेढ निर्माण झाली नाही, असं निरीक्षण नोंदवत पडळकर यांची निर्दोष मुक्तता केली आहे.