इंदापूर || एस. बी. पाटील अभियांत्रिकी महाविद्यालयामध्ये एआईसीटीई काढून मिळालेल्या मोड्रोब या प्रयोगशाळेचे उद्घघाटन माजी मंत्री हर्षवर्धन पाटील यांच्या शुभ हस्ते आणि सचिव भाग्यश्री पाटील, उपाध्यक्षा अंकिता पाटील- ठाकरे यांच्या उपस्थितीत पार पडले.
या रिसर्च प्रपोजल माध्यमातून एआईसीटीई कडून १५ लाख ७३ हजार ६०० रुपये निधी मंजूर झाला होता. एकूण २९ लाख ५३००० रुपयाची रिसर्च लॅब तयार करण्यात आली आहे. या रिसर्च लॅब च्या माध्यमातून सिव्हिल इंजिनिअरिंग साठी लागणारे मातीचे परीक्षण करण्यात येईल अशी माहिती प्रयोगशाळा प्रमुख मंजुश्री घोगरे यांनी दिली.
या रिसर्च लॅबसाठी सिव्हिल विभाग प्रमुख प्राध्यापक राम घोगरे व विभगातील सर्व शिक्षक व इतर कर्मचाऱ्यांनी परिश्रम घेतले असून याचा फायदा सर्व विद्यार्थ्यांना व आसपास च्या स्थापत्य व्यावसायिकांना होणार आहे.
यावेळी महाविद्यालयाचे प्राचार्य डॉ. एस. टी. शिरकांडे यांनी कौतुक करून प्रोत्साहन दिले तसेच या निम्मिताने संस्थेचे अध्यक्ष हर्षवर्धन पाटील, सचिव भाग्यश्री पाटील, उपाध्यक्षा अंकिता पाटील- ठाकरे यांनी पुढील वाटचालीस शुभेच्छा दिल्या.
