आय मिरर
“भाटनिमगाव” येथील शेखफरीद साहेब यात्रेनिमित्त भरवण्यात येणाऱ्या कुस्ती आखाड्याला दहा लाख रुपयांचा निधी उपलब्ध करून देणार असल्याचे निरा भिमा सहकारी साखर कारखान्याचे संचालक राजवर्धन पाटील यांनी सांगितले यात्रेनिमित्ताने राजवर्धन पाटील हे भाटनिमगाव येथील शेखफरीद बाबा यांच्या दर्शनासाठी आले होते यावेळी त्यांनी कुस्ती आखाड्याला भेट दिली.याप्रसंगी त्यांनी ही माहिती दिली आहे.
राजवर्धन पाटील म्हणाले की माजी मंत्री हर्षवर्धन पाटील यांचा निरोप घेऊन आलो आहे भाटनिमगाव” येथील शेखफरीद साहेब यात्रेनिमित्त भरवण्यात येणाऱ्या कुस्ती आखाड्याला दहा लाख रुपयांचा निधी उपलब्ध करून देणार आहोत.
भाटनिमगाव येथील शेखफरीद साहेब ग्रामदैवत हे जागृत देवस्थान म्हणून परिसरात परिचित आहे, तीन दिवस चालणाऱ्या यात्रेत संदल छबीना तमाशा व कुस्ती आखाड्याचे आयोजन केले जाते परिसरातील भाविक मोठ्या भक्ती भावाने यात्रेत सहभागी होत असतात.
यापूर्वी दर्गा बांधकामासाठी पुणे जिल्हा परिषदेच्या सदस्य अंकिता पाटील- ठाकरे यांच्या माध्यमातून दहा लाख रुपयांचा निधी प्राप्त झाला आहे.यावेळी पंच कमिटीच्या वतीने सरपंच अजित खबाले यांनी राजवर्धन पाटील यांचा सत्कार केला.
