आय मिरर
शेळगाव(ता.इंदापूर)येथे सोमवार (दि.६)रोजी मध्यरात्री ३ वाजण्याच्या सुमारास चोरट्याने ५ ठिकाणी घरफोडी करून धुडगूस घातला असून ६ लाखाहून अधिक रकमेचे दागदागिने रोख रक्कम लंपास केले आहे.दरम्यान चोरट्यांना प्रतिकार करणाऱ्यांना जीवे मारण्याची धमकी देवून मारहाण करून दोन महिला व १ पुरुषांला जबर मारहाण करून गंभीर जखमी केले आहे.
घटनेची माहिती मिळताच मध्यरात्री अप्पर पोलिस अधीक्षक आनंद भोइटे,उप विभागीय पोलिस अधिकारी बारामती गणेश इंगळे,गुन्हे अनवेषन विभागाचे अमित शीद पाटील तसेच वालचंदनगरचे सहाय्यक पोलीस निरीक्षक विक्रम सांळुखे यांनी भेट देवून घटनास्थळाची पाहणी करून तपासाची पुढील चक्रे फिरवली आहेत.घटनास्थळी श्वानपथक सह अन्य तपास यंत्रणा दाखल झाली आहे.
यावेळी मिळालेल्या माहिती नुसार सोमवार दि. ६ रोजी मध्यरात्री सुमारास शेळगाव येथील घुमटमळा येथे मध्यरात्री ३ वाजण्याच्या सुमारास चोरट्याने मारुती रामचंद्र लकडे यांच्या घराचा पाठीमागून दरवाजा तोडून घरात प्रवेश करताच जखमी मारुती लकडे यांनी त्यांना प्रतिकार करण्याचा प्रयत्न केला.त्यावेळी चोरट्यानी दांडके व काठ्याच्या साहाय्याने मारुती रामचंद्र लकडे वय ६० वर्षे तसेच त्याची पत्नी सिमा मारुती लकडे वय ५५ वर्षे व छबाबाई सुभाष नाळे वय ६५ वर्षे यांना जबर मारहाण केली. त्यामध्ये तिघांच्याही डोक्याला हाता पायाला गंभीर दुखापत झाली असून ते बारामती येथे खाजगी रुग्णालयात उपचार घेत आहेत.
चोरट्यानी मारुती लकडे यांच्या घरातील ४० हजार रोख रक्कमेसह ११ तोळे विविध सोन्याचे दागिने मिळून ६ लाखाहून अधिक रक्कम व ऐवज लंपास केला आहे. शिवाय चोरट्याने शेळगाव गावठाणातील तसेच परिसरातील परशुराम मोहिते,मिलिंद जाधव,अशोक जाधव व बाळु जाधव याच्या घरी घरफोडी केली.परंतु त्यांना काहीही मिळून आले नाही.
घटनेची माहिती मिळताच अप्पर पोलिस अधीक्षक आनंद भोइटे,उप विभागीय पोलिस अधिकारी गणेश इंगळे,गुन्हे अनवेषण विभागाचे अमित शीद पाटील,सहाय्यक पोलीस निरीक्षक विक्रम साळुंखे,पोलिस उप निरीक्षक विजय टेकळीकर सह अन्य पोलीस कर्मचारी यांनी मध्यरात्री शेळगाव येथे भेट देवून घटनास्थळी पाहणी करून तपासाची चक्रे वेगाने फिरवली आहेत.
