आय मिरर
बंदी असलेला तब्बल १८ लाखांच्या अवैध गुटख्यासह २४ लाखांचा मुद्देमाल इंदापूर पोलिसांनी अकलूज कडून पुण्याच्या दिशेने वाहतूक करणाऱ्या पिकअप गाडीवर कारवाई हस्तगत करून कर्नाटक राज्यातील प्रकाश कुशान हेगरे (वय – २६ वर्षे,रा. कोकटनुर, ता.अथनी, जिल्हा -बेळगाव) व मल्लु जयश्री मेलगडे(वर्षे – १८ वर्षे, रा. अर्जुनगी,ता. बबलेश्वर, जिल्हा विजापूर मधील दोन आरोपींना इंदापूर पोलिसांनी अटक केली आहे.
सदरील पिकअप हे कर्नाटक हून अकलूज इंदापूर मार्गे पुण्याच्या दिशेने निघाला होता. या वाहनात अवैध गुटखा असल्याचे गोपनीय माहिती इंदापूर पोलिसांना मिळाली होती. त्यानुसार इंदापूर कृषी उत्पन्न बाजार समितीच्या पेट्रोल पंपाच्या जवळ बुधवारी २९ मार्च रोजी रात्री पोलिसांनी ही कारवाई केली आहे.या कारवाईत आलेला पिकअप क्रमांक एम .एच. १३ डी.क्यु. २४९६ किंमत ६ लाख रुपये असा एकूण २४ लाख ८ हजार ८०० रुपयांचा मुद्देमाल जप्त केला आहे.
सदरची कारवाई पोलीस निरीक्षक दिलीप पवार यांच्या मार्गदर्शनाखाली सहाय्यक पोलीस नागनाथ पाटील योगेश लंगुटे, सुनील बालगुडे, विकास राखुंडे यांनी केली आहे. पुढील तपास सहाय्यक पोलीस निरीक्षक नागनाथ पाटील करीत आहेत.
